Karen ramkulh, Way Lay ih SAC ralhrang hmunkhuarnak Ukarit sakhan cu KNDO Special Commando Battalion, Venom ral hmaituangnak in tuni June 26, zinglam nazi 5 ah an va siim.
Asinan sun nazi 12 tiangah sakhan an lak thei hrih lo thu Vinon ral hmaituangtu pawl hnen ihsin theih a si.
“Atu caan ah thuthang le follower nei tam deuh pawl cun sakhan la zo vekin an post. Ralthuam tum a tlak ruangah mei a kangmi hi sakhan la ngah zo ah an ruat si ding. Sun tiangah kan kapaw rero lai. Khatlam khatlam in hriamtuar kan um,” tiah Venom ral hmaituang ih thuphuangtu cun Yangon Khit Thit hnenah a sim.
SAC ralhrang ih Ukarit sakhan siimnak ahhin Vinom ral hmaituangtu lam a mal bik 5 hrawngin hriam an tuar.
“Ukarit sakhan ah ralhrang 20 hrawng an um. Tibawbo sakhan ihsin ratu pawl, May Lay sakhan ihsin ratu pawl thawn an komaw thei,” tiah CDM ralbawi Linn Htet Aung cun a zum dan a rel.
Way Lay sakhan rak la dahtu KNDO Special Commando Battalion pawl hi Saw Win Myint hohami Venom ral hmaituang pawl an si ih annih hin Ukarit SAC ralhrang sakhan khal tuni ah an siimsal.
SAC ralhrang hmunkhuarnak Ukarit sakhan hi Phalu, May Lay, Sukali lamzin tonawknak ah a um ih ralrelnak hmun remcang zet pakhat a si, tiah Karen thuthang cun a tarlang.
Leave a Reply