Karen ramkulh, Myawady peng, Wellay palik sakhan cu June 13 zing ah KNDO ih Commando tatzin le PDF tangrual in an siim ih palik lamih rak kaihmi PDF 9 an runsuak thei, tiah KNDO cun an sim.
A kaihmi PDF pawl hi mipa 5 le nunau 4 an si ih a hlanih Burma Lberation Army (ABIA) sungtel an si, tiah an runsuahmi lakih tel mi pakhat cun Video ihsin relnak a nei.
Hi palik sakhan an lak tumah SAC ralhrang kuttang ih palik 3 an thi ih an nunglai in 5 an kaih hnuah himdamten sakhan an suahsan.
Cu hleiah palik tefa 2 le innsang 5 khal an kuthnuaiah an ret, tiah zuk ah an post hrih.
Palik sakhan an lak hnuah SAC ralhrang cun ralthuam tum in an run kah ruangah an runsuahmi PDF ihsin nunau 2 le palik an kaihmi 2, tualsung hriamhrei kai 1, tualsung minung 1 tiin mi 6 in hriamhma an ngah.
Hi sakhan siimnak ah 60 MM pakhat, meithal 7 le thil dang tampi an laksak fawn.
Leave a Reply