KIO hotu pakhat a simi Lieutenant General Gun Maw cun SAC ralhrang mangpa Min Aung Hlaing hnenah online ihsin ca a kuat. ‘Riahsiatnak le mitthli ihsin manmual leitek theih lomi nelawknak a suak ding, tiah a cakuat ahcun a ngan.
Lieutenant General Gun Maw cun Social media ah A Nang Pa ( အနန့်ပါ) khua hi KIA sakhan a si lo thu thlazuk thawn a pholang ih SAC ralhrang hnenah a kuat. A cakuat ahcun A Nang Pa hi khualtlawng pawl cawlhnak bazaar tenau men a si ih mipi tam zet, tualsungmi pawl SAC ralhrang in doral zoh in a zoh ih an nunnak a lak ruangah a ninghan thu le siattong innsang pawl a tuarpizia a ngan.
Ralbawi Gun Maw ih cakuat ahcun, “KIO Central Committee hin Myanmar acozah a pehpeh ih somdawltu pawl khal doral zoh in kan zoh dah lo.
Atu ‘A Nang Pa’ ih ratu mipi pawl cu SAC ralhrang in doral vekin a siatsuah men.
Mino pawl hi an nolai ah remsal theih nawn lomi thilsual tuah lo dingin kan sim theu nan, atu ahcun mino si loin upa sawn riangri in thilsual kan tuah theu.
A Nang Pa ih nunliamtu nan zaten vanram nuam ah thlangamtei’ cawl dingin thla ka lo camsak. Hriamhma tuar pawl hrang khalah thlaza ka cawm.
Siattong innsang pawl nan zaten ka lo tuarpi. Kan zate ih riahsiatnak le mitthli ihsin manmual leitek theih lomi nelawknak a suak ding,” tiah a ngan.
Leave a Reply