Khawlal tawrhmawh zet Thisen Dawk pawlkom ih hotusang an kap that

Patheingyi peng ih khawlal pakhat cu a inn ah luhhnawh in kah that a si.

Mandalay ramthen, Patheingyi peng, Kan Tha khua ih khawlal cu PDF in an inn ah luhhnawh in an kap ih a thi, tiah theih a si.

June 19, sun nazi 1:30 hrawngah Kan Tha khawlal, USDP party hohatu U Than Swe cu an inn ah an kah that thu Natt Su dothlengnak pawlkom cun an sim.

“An inn ah luhhnawh in kan kap that. Amah hi atufang khawlal a tuan hleiah Thisen Dawk pawlkom ih hotusang tuantu le USDP ih mi sawmkhawmtu a si.

Dothlengnak tuahtu PDF pawl a thlingthla ringringtu khal a si. Curuangah kan thianfainak a si,” tiah an sim.

June 3 ahkhan palik pakhat cu palik uniform hruh loin kuva a lei laiah Natt Su leihnuai dothlengnak pawlkom in an kap that dah zo.