Kawlram tangka lem le a tuahnak cet an kai

Myanmar ramsung, Karen ramkulh, Myawaddy khawpi, No. 4 veng, Metta lamzinpi le Aye Thar Ya lamzin kelih rawldawr ah Myanmar tangka lem ih rawl ra eitu pakhat an kai, tiah Myawaddy palik pawl in January 10 ah an sim.

May be an image of 1 person and indoor

An kaihmi hi kum 26 mi Ko Zaw Lwin a si ih a zal sungah plastic ih funmi tangka thawnghra ca lem hnah 1496 khal an hmu, tiah theih a si. Ko Zaw Lwin hin rawldawr ih a hmanmi thawnghra cahnah lem 4 khal rawldawr neitute in an laksak, tiah an sim.

Ko Zaw Lwin hi Aung Di Ba lamzin ih inn pehzomaw innkhan 12 nak ih um a si ih a inn an va dap tikah thawnghra cahnah lem 150, ah hrih lomi thawnghra cahnah lem 100 le tangka lem tuahnak cet le thilri pawl khal an hmu.

May be an image of 1 person and indoor

Ko Zaw Lwin ih phuanawk vekin kum 33 mi Ko Aung Myint Than le kum 35 mi Ko Tun Myint Than khal kaih bet vivo an si ih an pathum in Myawaddy palik sakhan ah hruai an si.

Be the first to comment

Leave a Reply

Your email address will not be published.


*