Mandalay khawpi ah zo ti theih lo, mipa pahnih in nunau pakhat cu acid in an theh hnuah a bike an laksak, tiah theih a si.
Hi thilthlennak hi Madalay ramthen, Mahar Aung Myae peng, lamzin 78 le lamzin 36 ah November 23, simlam nazi 4 hrawngih thleng a si.
“Misual hin acid ih an theh hnuah a bike an laksak. Kan hmuh veten kan tuamhlawm lohli ih in sim dan ah, mipa pahnih in acid in an theh. Vansia vantha ah a cang. Acid hi a dal (pin lo) ih a tizia.
Acid pin zet hmang hai sehla a taksa pum in a kang thluh ding. A hmai ah an theh ih a mit sung khalah a lut. Asinan a bese lo,” tiah Mandalay ih tlawmngai pawlkom hotu cun a sim.
Atu-ahcun nunau hi Mandalay senpi sizung ah tuamhlawm rero lai a si, tiah theih a si.
Leave a Reply