Kawkareik doawknak ah ralhrang Captain 1, Lieutenant 1 le ralhrang nupi 3 an thi

Kawkareik doawknak ah ralhrang Captain 1, Lieutenant 1 le ralhrang nupi 3 an thi.

December 16, zing ah Karen ramkulh, Kawkareik ih hmunkhuar SAC ralhrang ခလရ 231 sakhan cu KNLA le PDF tangrual in an nuai ih ralhrang captain telin 5 an thi, tiah theih a si.

Ralhrang thitu lakah Captain Ni Win Tun, Lieutenant Zaw Lwin le ralhrang nupi a simi Daw San San Maw, Daw Mu Mu Thin, Daw Nan Hla Myint pawl an si.

Cun, Major 1 le ralhrang nupi naukeng lai telin mi 4 hriamhma roh zet an tuar, tiah theih a si.

Hi kahawknak ah ralhrang lam an tuar na tuk ih December 17 zing ah ralhrang raldonak Helicopter 1 in a ra kap bawm. Tangrual lam ihsin PDF ralkap 1 a nun a liam, tiah an sim.

Kawkareik khawpi ih SAC ralhrang sakhan, palik sakhan le zung pawl cu tu le tu kah an tong ringring ih ralhrang thi an tam zet thei.

Curuangah ralhrang thazang a kiam ih an nupi pawl tiangin ral an doter theu, tiah theih a si.

Be the first to comment

Leave a Reply

Your email address will not be published.


*