Kaptel fala kum 20 mi, suakthuan kum 17 mi in a kaihhrem hnuah a that

Chin ramkulh, Teddim peng, Kapteel khua ih khawsa fala Huai Khek kum 20 mi cu December 2, zan nazi 8 hrawngah a pa thawn meisa an ai.

Tedim Township | Mapio.net

Cuti ih meisa an ai laiah an khawmi suakthuan Man Sian Thang kum 17 mi cun, dawr ih thil lei dingin a sawm ih fala Huai Khek khal in a thlun ve, tiah an khawmi pawl in an sim.

Asinan Huai Khek cu a zan ah inn a tin nawn lo ih December 3, zinglam ah an khawlu hramlak ah lawngfangkheh ih an sar hleiah a taksa ah hriamhma roh zetin Huak Khek ih rual cu an hmu, tiah an sim.

Hi laithahnak ah rinhmai bik Man Sian Thang khal a hlo cih ih an zingzoi vivo dan ah Mizoram ah a tlanhlo, tiah an thei.

Man Sian Thang hi a hlan khalah Mizoram ah a um dah ih rittheih sivai thubuai ruangah Lock-up ah a lut leuhleuh nan, kum kim hrih lo a si thawn a suaksal cingcing, tiah an sim.

Tu-ahhin fala Huai Khek kaihrem ih thattu Man Sian Thang cu Mizoram le Chinram ih pawlkom pawl in hawlsuak dingah bomnak an dil, tiah theih a si.

Be the first to comment

Leave a Reply

Your email address will not be published.


*