Kalay-PDF ihsin SAC ralhrang hnenah tlanlut (surrender) vekin ralhrang ih thu an suah cu thangkamnak men a si ih Kalay PDF ihsin zohman cuvekih tlanlut an um lo thu Kalay PDF cun an sim.
June 23 zinglam ah Sagaing ramthen, Kalaymyo uktu lam cun sualmawhnak nei lo, PDF training kai ih SAC hnenih tlanlutsaltu mi 4 pawl lomluhnak le an nu le pa hnenih apsalnak programme an tuahnak pawl ralhrang lam cun zuk tiang tar in thu an suah. Himi ahhin Kalay PDF ihsin Kalay pengpi uktu hnenah PDF-Kalay mino 4 an tlanlut, ti a si.
Hi SAC ralhrang thusuahmi hi thangkamnak le bumawknak men a si thu, PDF-Kalay ihsin zohman surrender an um lo thu, hmailam khalah SAC ralhrang do vivo an tum thu PDF-Kalay ih Bo Japan Gyi cun DVB hnenah a sim.
Kalay PDF Battalion (1) ih ralkap Nay Thit khalin, “Kalay PDF ihsin zohman surrender kan um lo. A thok ihsin ziangkim huam in PDF ah kan lut ih hmailam khalah ralhrang kan do vivo ding. NUG kuttang ah Kalay peng hi doawknak a sosannak hmun a si ruangah ralhrang lamin in huphurh tuk ih tuvekin thuphan an phuah menmi a s,” tiah a sim ve.
Atufang ah SAC ralhrang le tualsung hriamhrei kai pawl doawknak a thlen phahphah ruangah Kalay-Gangaw lamzin ah khualtlawng vak sukso lo dingin mipi pawl hnenah PDF-Kalay cun theihternak an nei.
Leave a Reply