Leitlun mipa zaithiam lakah Canada rammi Justin Bieber tlukih bulpak hlawhtlinnak ngahtu hi an tam lo ding, ti sehla a sual tam lo ding.
Suakthuan/tleirawl lawng si loin kum upa lam khalih ngainat a hlawh ih hlasak nawn lo bang ta sehla a zuun ih uaitu an tam zet ko ding.
Cumi laiah Justin Bieber cun nat duhum lo zet a neih thu a Instagram ah a post.
A natnak hi zeng nat (lay-phiat) a si ih a hmai khatlam a hit in a cangvai thei lo. Curuangah show a neih dingmi puai ziangmawzat khal a ṭulh (cancelled) ding, tiah theih a si.
Instagram ih video a post mi ahcun a hmai khatlam a cangvai thei lo, a mit a ṭhep thei lo hleiah hnih khal a hni ṭha thei lo. ‘Ramsay Hunt Syndrome timi thluak thahri lam buainak a si ih tuar har a ti zet.
A hmaitlang vorhlam cu a hit betbet, sik le hmuai khalah na a theithei lo. A mit tiangin a thep thei lo ih a khong hremhrem.
Kum 28 mi Justin Bieber cun, “Tikcu ziang tiang tuamhlawmawk ding ti ka theiaw lo nan, ka ṭha mai ko ding,” tiah mani June 10 ah a rel.
Justin Bieber hi zaithiam khawvel ah kum 13 sung a leng zo ih a hlawhtling zetmi Pop hlasak thiam a si vekin Grammy Award tum hnih rori ngahtu a si.
Leave a Reply