1. Lamzin laiah an ding: June thla suak pawl hi kum khatih thla lailakih suak an si ruangah 50/50 in a ṭha lam le ṭha lo lamah an thinlung a phir ringring. Duhhrilnak tuah a ṭul caan ah hril ding bulba thei loin a lailak (neutral) in an um. Lamzin pahnih hril dingah hril ding bulce an harsat. Curuangah na bom a ṭul.
2. Aatcilh an hmang: Thil pakhatkhat lunglut zetih an tuah hnuhnu an aatcilh mai. Zohman ih don le kham theih loin an um. Curuangah an paihzawng, an duhzawng le aatcilhmi do loin na pompi thiam a ṭul zet ding.
3. Thuthup an nei lo: June thla suak pawl hi a tlangpithu in thla dang suak pawl hnakin langtlang nun an nei ih thu an thup (zep) dah lo. A sinaknak vekih sim le rel hluahhlo an hmang. Curuangah an kiangih na um tikah na huatzawng an ṭong khal le a pom dan na rak thiamcia a ṭul ding.
4. Thu le hla lamah an phur: Arts lam an paih ih hlasak, hlaphuah le cangan an paih zet. Thu le hla titi ding an ngah fawn. Curuangah nan komawk caan ah ṭongnak ding hmunhma na ken thiam a ṭul.
5. Duhdawtnak an la khungkhai: A menmen in mi an va uar, an duh mai lo nan, mi an duh velceng ahcun duhdawtnak tipithuanthum sungih luhpi an si hnu, mi an phatsan maimai lo. Duhmi thawn ziangvek harsatnak khal pahtlang an ngam.
6. Lunglen, umhar an hmang: June thla suak pawl hi a tlangpithu in Laiṭong ih Zuun (June) thla suak an si vekin an lung a leng ol cuang ih umhar an hmang zet. Anmahte an um caan ah mi an ngai ruahro ṭheu. Curuangah hlaral ih na umsan tam asile cakuat simaw, online talih an khawhar hnem na taimak a ṭul.
7. An thluak a kharvar: Thil thar tuahsernak lamah June thla suak pawl hi thluak an hmang nasa, ti a si. Thu thar, hla thar, thil ziangkim hi a thar lampang ih tuahser an paih. Anmai’ paihzawng a si vekin cuvek lamah an hlawhtling ol cuang. Thapek na thiam a ul rori.
8. Mi thukam el an hmang: Langtlang nun le ṭong tam an si ruangah mi thukam el an law zet. An duh lozawng, ngainat lemlo minung tla cu huat um zetin an el vivo mai. Ṭongkam khal an thiam ih thu el neh ci an si lo.
9. Ceiawk an thiam: Nunau an si le mipa mit la dingin hnipuan hruh, ceiawk dan phunphun anmah le mil ih ceiawk an thiam. Mipa an si le smart zet, zahpi um lo dingin ceiawk an thiam ve. Mi lakah zahpi an um dah lo. An kum upa khal sehla ceiawk an thiam tuk ruangah kum note vekin an lang ṭheu.
10. Innsang zohkhentu an si: A tlangpithu in June thla suak pawl hi sumpai le hnaṭuan thu ah innsang zohkhentu an si deuh tlangpi. Innsang lawng si lo, kawhhran le khawtlang hrangah ṭhahnemngai zetih hnaṭuantu an si ṭheu.
Leave a Reply