1. An thinlung a thianghlim: An lungput a tlaitluan ruangah thil diklo lakah fianhrialten an um. Thu pakhat khi an hliakhlai ciamciam ih ṭha le dik ih an theihmi pawl lawng an thlun ṭheu.
2. Kom an nuam tlangpi: July thla suak pawl hi kom an nuam tlangpi. Titi thunuam rel ding an ngah. Mi thleidannak an pianpi lo ih zovek te khal bangran zetin an be thei.
3. Mi zangfah nun an nei: Mi harsatnak an theithiam. Thinhar le beidong pawl hnem dan an thiam thei zet. An hnenah cun damnak hlir a si ko.
4. An mawi: July thla suak lakah mi mawi lo ngaingai an mal. An ceiawk lemlo khalah mi hnakin an ziaum thotho. An hun ceiawk tla cu mizaran tlunah an leng ringring. Ceiawk khal an thiam.
5. Mi hoha thiamnak an nei: Rualpi lakah pawlkom lakah mi kaihhruai thiamnak huham an nei. Khatlamah thu an duh zet. An ruahdan si lemlo khi an el hluahhlo ngam mai.
6. An hnohcuk, an ṭahben: Ngaizawng parah duat le ngaihsak an duh lawlaw. An hnoh thei zet ih an ṭahben fawn. Thil lolamte men khalah an mitthli a tla ol zet.
7. An zei tlangpi: July thla suak pawl hi an fala/tlangval parah an hnoh vekin anmah khal an zei tlangpi. Mi duat dan, mi culnel dan an thiam. An ṭongkam hrimhrim khal ngaihno a bei zet.
8. Bum an ngaih lo: Thudik ngaina an si ruangah thuphan a ngaih in an ngaih thei lo. Vei khat na bum ih a theih pangah cun a damsung a lo zum nawn lo ding.
9. Duhdawtnak an la khungkhai: July thla suak pawl khi a tlangpithu in duhdawtnak an aatcilh ti sehla a sual tam lo ding. An duhmi khi co ngah tengteng tum in lamzin harsat zet khal an paltlang ngam.
10. An todelhaw: Mahte boruak hai thei zet, thluak hmang thiam zet an si ih midang ngai loin an todelhaw zet. Nu le pa ih rothil rinsan loin anmai zuamnak in mi neinung ah an suak ṭheu.
11. Thuthup an pai thei lo: Rel dingih awm lemlo, innsang thu, ngaizawng thu, rualpi thu le anmah bulpak thuhla khal si sehla mi hnenah thup loin an rel hluahhlo men. Hi zawnah langtlang nun an nei ih an thinlung a thianhlimnak zawn a ti theih. Asinan khatlamah a ṭul lo tiang relsuak an hmang.
12. Kawhhran le khawtlang: July thla suak pawl hi kawhhran le khawtlang ah an hmangaw zet. A tul dan vekin mai hna khal tlansan in pumpeaw taktakin an hmangsuakaw ṭheu.
Leave a Reply