Khawruahharza zetin nupa tuak khat cu Zoom ih biakkhawmnak an telnak ah nunau-mipatnak an hman rero lai an post aw ngah pang. Himi hi nupa sinak an hman sung minute 45 a rei ih cumi cu Zoom ihsin an rualpi pawl in an rak zoh, ti a si.
USA, Minneapolis hi Jews (Judah) miphun pawl May 14 ah Sabbath service biakkhawmnak Twin Cites’ Temple Beth El biakinn ahcun hitei’ nupa khal online ihsin tel dingin camera on ta.
Cumi hnuah camera phit nakcang thiam nawn loin nupa sinak an hman lai ‘live’ rori in a lang.
Minute 45 sung nuam zetih nupa sinak an hman lai le nunau cu taklawng rori ih a um lai pawl, zoom lenglam ah a vah luarlo lai pawl an Chat mi an rualpi pawl cun an rak hmu.
Zoom ihsin rak hmutu pawl cun an comment celcel hi “Tu hi Zoom in biakkhawmnak kan nei lai sokhaw, camera ah nan ra lang, zoh nan mawi lo tuk ee. Camera kha off uh,” tiah an auh celcel nan, an thei riai lo.
Thenkhat kum upa lam pawl hi Zoom meeting siseh, pumkhawm caan ah camera phit nakcang an thiam theu lo. Asinan annih pahnih hi cu kum upa hrih lo an si ih tuvekin an cangvai cu zoh a nuam lo zet, tiah an biakkhawmnak hruaitu cun a rel.
An biakkhawmnak ih hmanmi video hi Screen tumpi a si ih fiangfai zetin a zohtu pawl cun an hmu thei.
Managing director Matt Walzer cun, “Hi thilthleng hi a cipciar in ka thei ko nan, zo hnen hmanah ka sim lo ding,” tiah a rel.
Hitivekin Zoom parih cangsualnak hi tu lawng a si hrimhrim lo. 2021, October thla khalah New Yorker hrang hnatuantu pawl direct ih Zoom meeting an neih laiah daan lam zingzoitu pakhat cu amahten nuam a rak tawl rero lai a lang dah.
Leave a Reply