Myanmar ram pumhuap mipum siarnak tumtahnak vekin tluang zetin neih a si ih innsang zatek 86.7% tiang kan khong ngah thei, tiah SAC ralhrang ih Immigration le Population Union Minister ဦးမြင့်ကြိုင် in February 7 ah a sim.
Mipum cazin lak hi January 9 ihsin January 30 tiang, zung khar caan si lo hmuah in, ni 20 sung an lak thu a sim.
Myanmar ram pum huap ih cazin an lakmi ahcun zatek 86% lenglo a si ih Rakhine ramkulh hi zatek 99% rori an la thei, tiah a sim fawn.
2014 mipum cazin le innthawng cazin vek asile Myanmar ahhin innsang million 11 lenglo an um.
Asinan SAC ralhrang hin mipum cazin an lak zomi ah ramthen le ramkulh ah innsang ziangzat an si, timi an tarlang lo.
Innsang cazin an lak tikah hin ralbuai sosannak hmun Sagaing, Magway, Karenni, Karen, Chin ramkulh telin hmun thenkhat an la thei lo, tiah theih a si.
Leave a Reply