Innsangnu bik rawl suang thiam neih manhlatnak pawl

Milai kan dam sungih thupibik cu ‘in le ei’ ti sehla a sual tam lo ding. ‘Zianghman a ei thei nawn lo,’ kan tiawk cin cun mithi khua kan nai ih seherh ding kan um tuk nawn lo, tinak a si. Kan duatawknak le donawknak bik khal ‘in le ei’ thotho in a si.

Chinmi hrangah cun ‘in le ei’ kan ti tikah ‘Rawl’ hi a si bik mai ih ‘rawl’ ahcun buh, tihang, hmeh tiin ṭhen vivo sehla.

Premium Photo | Happy of asian couples chef cooking in kitchen.

Tui’ṭum kan ngan duhmi cu Chinmi innsang boruak a si ding. A tlangpithu in Chinmi innsang tinah innsangnu bik ih rawl suan ei a si. Hla thu khalah ‘Ka nui’ suan rawl hman ei man loin,’ ti a um ih a umzia cu innsangpa bik hin rawl an suang tuk lemlo.

Ṭhenkhat innsangpa lakah rawl suan paih zet an um ve thei ko. A tlangpithu in innsangpa bik rawl suang ṭheu umnak ah innsangnu bik rawl suan a thiam lo deuh rori. Khatlamah innsang hrang sumpai taisirtu bik innsangnu a si ahcun innsangpa in rawl a rak suan sawn khal mawhthluk ding a um ce lo. Amahbelte innsangnu bik sisi, sumpai hawltu le si cuang si loih rawl suang dahlo a si ahcun ruah ding a tam nasa.

Thufim pakhatah rawl hi a suangtui’ kut sungah a thawt ding le ding lo a ṭhumaw, an ti.

Asian Couple Cooking Kitchen Images, Stock Photos & Vectors | Shutterstock

Ṭhenkhat cun rawlhmeh ding ṭhaṭha, sa asilole hanghnah hangrah umcia ṭhepṭhep sehla rawl suan thiam lo teh kan um ding sawm titu an tam zet. A diknak lai a um nan, pom thluh a theih lo ding. Ziangahtile rawl suang thiam lo hrangah cun sa rori khal eitlak loah an suah thei.

Rawl suangtu idea a thupi bik. Tihang ah cite ziangzat pulh sehla, ajino moto (chu-hmuk) ziangzat thlak sehla, hmakphek teh ziangzat rawi sehla a thaw ding, tivek ruah thiamnak a neih loah cun tihang intlak loah a suah thei.

Innsang ṭhenkhatih rawl ei tik caan ah cite al pulh lo sa, cite al tuk tihang le hmakphek thak tuk rawimi hmeh ei caan a um hnuaihni. Hihi an rawl suangtu in amai duhdan in a tuah hrim maw, asilole a thiam lo hrimhrim ha, tiah khawruah a tamter.

Asian Couple Cooking Kitchen Images, Stock Photos & Vectors | Shutterstock

Sim zo bangin rawl suang thiam lo hrangah cun ziangvekin suan ding um hnenhnen khal sehla a awmtawkih bawldan a thiam lo hnuhnu a thaw lo si ko. Cuvekin rawl suang thiam nunau cun amai’ tlintawkin an innsungsang ih an neihmimi hmang in thiam zetin a suang ih a thaw ringring.

Hmuan ihta ziangziang simaw a sik a ṭot ih caṭani thaw zetah a suah thei. Sa hmeh tengteng a si lo. A umciami hman thaw zetih suang thiam lo hnakin a um lomi hawl le a umsun bawl paih zet khi rawl suang thiam pawl ih manmual a si.

2,040 Asian Couple Cooking Kitchen Photos - Free & Royalty-Free Stock Photos from Dreamstime

Chin innsang ṭhenkhat cu sa hmeh nikhua ah buh le sa an hung ih a kiangah cikheng a um, cu vial. Hivek innsang ih rawl ei hi a har fualfo. An inn kiangkapah a betbang caṭani tuah ding zoh sehla an um ko nan, innteknu bikin cuvek a thiam lo. Vei hnih khat mi thu cawngin a hun tuah ve nan, pak fualfo, kha fualko ah a suah. Mi in teh ziangtin rawl an suang timi khal zirzoi a tum riai lo. An innsang cu nitin thawtei’ rawl ei ti khal an nei dah lo. Asinan dan ah an neih zo!

Asian Couple Cooking Kitchen Images, Stock Photos & Vectors | Shutterstock

Rawl suan thiam hi ziangtluk a thupi. Ram cangkang le miphun ṭhangso ahcun a zir rori in an zir. Kannih Chinmi cun kan dinhmun in a zir lo ruangah cuvek zir a ṭul lo, kan ti men thei. Hmanseh nitin ih kan ei ṭheumi, kan hmeh ṭheumi khal hi hnakih thaw ih suan dan a um rori ding.

Rawl suan thiam pawl hi a tlangpithu in an hrong, an ti. An hrong vekin thil thaw khal an thei ih an hawl paih. Cun, mai rawlhmeh tuahmi a thawt le thawt lo, tep paih khal a ṭul lala. Mi hrek cu rawl kan suang ih kan lenhlohsan lole hna dang kan ṭuansan men. Hihi a ṭha lo zet.

No description available.

Rawl suan sung rori ahcun coka ah umhnawh tengteng ding a si. Kan rawlhmeh ziang a bang? Cite pulh a ṭul lai maw? A hmin ṭha maw? Hmin dok hmin lo dok ih tuah duh asile cawi a cu maw? tivek pawl kan ngaihsak ding.

Innsangnu bik rawl suang thiam lo neih cu damlo nikhua ih rawl hiar lo cingih ei vek a si. Innsangnu bik rawl suang thiam neih cu ṭamsawl laitakih rawl ei vek a si.

Be the first to comment

Leave a Reply

Your email address will not be published.


*