Shwebo ah kum 11 mi nunau nauhak an kaihhrem hnuah an that, a thattu theih a si hrih lo.
Sagaing ramthen, Shwebo khawpi ah kum 11 mi nunau nauhak pakhat cu kaihhrem a si hnuah an that, tiah tualsungmi pawl in an sim.
Shwebo pangpar duum, thlanglam lamzin sirah kawlhra, va-nim tii le thingkawlhra suan zuar theu, kum 11 mi nauhak မပွားစိန် cu January 12 zan ah inn ah tlung loin a hlo ih an hawl tikah January 13 zan ah Shwebo khawpi helnak lamzin sirih leikuang ah a thi tthing an sar, tiah theih a si.
“Hi nauhak nute hi lamzin sirah thil zuar in a nu le pa a cawm. Hi thu a theitu khawpawh rori in kan thinna zet.
Shwebo ahhin rukru, misual an um tikah kaih an si nawn lo. Palik sakhan ih palik pawl an si le PDF ttih in an relh ringring fawn,” tiah tualsungmi pakhat in a rel.
Kum 11 mi မပွားစိန် hi Shwebo khawpi, veng 8nk ih khawsa a si ih a pi, a nu le a unu thawn an nunkhawm.
A ruak zohfel a si tikah kaihhrem hnuah rapthlak zetih thahmi a si, tiah an sim. A ruak cu January 14 simlam nazi 3 ah an vuiliam.
Leave a Reply