Inn san man le ei-in dap ih suak a nu, a ra tlun thei lo ruangah ni hnih sung khiti khin a hngak

Covid-19 pulhhri ruangah zo cio khal harsat a si. Asinan mi inn sangcop le nitin ka-lang dapcoptui’ hrangah cun a letin a har sinsin. Inn san man ngaihtuah a tul vekin zing le zan thaithawh zanriah hrang tuansuah a tul lala.

July 21 niĀ  Yangon, Thinyangyun Township ih thilthleng hi thinnat a um zet. Hi nauhak nute hi a nu in in-ei le inn san man ngaihtuah dingin inn a suahsan ih ni hnih lai a rei hnu khalah a ra kirsal nawn lo.

Cuticun nauhak nute cu thinhar le beidong in an inn hmaiah a nui’ ra tlun ding thlir in a to cuahco. Inn luah man pek ding tikcu le a kim si, pek ding an neih lozia thei in le a nu in cumi inn san man le in-ei hrang sumpai a tuakaw ti thei in nauhak nute cu ruahsannak pangvai zetin a to. A nu hi ni hnih sung lai a ra kir lo tikah ralhrang ih tuahmawh teh a tong si bang pei maw? tiah Nauhak nute cun a tlintawkten thu a hun ruat.

Asinan vanthat ah cuti a to ngiongi lai tlawmngai mi bawm theutu mi pakhatih a hmu ih thil umdan a suhfiah hnuin bomnak a tawlrelsak.

Inn sang man thla thum daih (180,000Ks) le an in-ei phuhrukawknak hrang khal an pe. A nu cu ni thumnak ah a ra tlung ih a fanute cun lungawinak mitthli thawn bomnak a rak ngahmi pawl a nui’ kut sungah a ap sawng.

Be the first to comment

Leave a Reply

Your email address will not be published.


*