Innsang khat nu bik ih hmin Keira Reid kum 29 le pa bik ih hmin Richard kum 34 le an fate (3) cu an inn an zuar ih motor (Van) tum nawn an lei hnuah an sungkua in motor sungah an khawsa men.
An duhduhnak hmun ah an tlawng kual ih tui hnu kum 2 ahcun Europe ram pumpi helsuak an tum bet.
Motor (Van) tumpi sungah an innsang member (5) in an khawsa ih zan ah riaknak le tlanlennak bikah an hmang. Vei hnihkhat ahcun a nom lo caan a um ve ko nan, nu le pa, fate pawl hmunkhatah umtlang in innsang nuam zet an din duh thu le tuvekin an khawsat dan hi thil tha zet a si thu Keira Reid cun a sim.
Innsang zalen le thawveng zetin an um ih hmun pakhat an feh duh caan ah an innpi a simi motor cu olsamten an fehpi thei. Dunglamah ‘kan inn, kan lo’ tiih seherh ding um loin an sungkua in khual an tlawng men.
Keira Reid tei’ nupa khal cun an fate siar lo, midang pehtlaihmi an nei lo. An fate hi an hringnun nuamtertu an si bik.
Keira Reid le Richard hin 2019 ah an inn an zuar zo ih cumi laiah fate pahnih an nei. An fate pahnih thawn Europe ram an fangsuak dah. Nautebik an neih kum 2020 ahcun Britist ah an tlung. An motor cun Britist ramsung ah hrawh thluh.
An fate pathum cu motor ah tlawng an kaiter men ih Keira Reid cun ca a zirh theu. Himi ruangah khat le khat rinsanawknak a suak phah, tiah a sim.
Neta ahcun Netherlands ihsin Scandinavia le Finland pan in an tlawngsuak tum, tiah theih a si.
Leave a Reply