Indonesia ah neihawk hlanih ṭit-awtu pawl kum 1 thawngtla ding

Indonesia ram ah neihawk hlanih nupa sinak hmangtu pawl thawngthla dingin daan thar an nemhnget

Indonesia ram cun, neihawk hlanah nupa sinak hmangtu pawl cu kum 1 thawngthlak an si ding, tiah December 6 ah hluttaw ah an nemhnget, tiah theih a si.

Hi daan thar hin Indonesia tipikap ih nuamtawl dingin tlawng theu, ramdangmi mikhual pawl tiang a huap ding ruangah rampi sumluhnak a hngor ban thei, tiah thlaphangtu an um.

Cu hleiah daan thar pakhat an nemhngetmi a um hrih ih, President siseh, acozah department pakhatkhat duhlonak ruangah soiselnak siseh, dokalhnak thu tlang-au siseh, a hlankhan ih simtheihnak um riai loin lamzawh duhphorh tivek pawl kham a si.

Hi daan hi Indonesia Parliament zaten in lungkim ih an nemhngettlangmi a si.