India lemcangthiam Huleng Tunisha Sharma cu December 24 ah a awkthat-aw, tiah theih a si.
A awhthat-aw ahhin kum 20 mite lawng a si ih cu hleiah ‘Ali Baba’ timi zuknung an can rero laiah ceiawknak ‘Makeup’ room ah a awkthat-aw, tiah India Today cun a tarlang.
A awk-aw ti an theih veten sizung ah tlanpi vurvo a si nan, an khelh nawn lo, tiah sibawi pawl in an sim fawn.
A awhthatawknak hmun hi amah thawn lemcangtlang Huval Sheezan Mohammed Khan ih hnipuan thlengh-awknak ah a si, titu an um.
Tunisha Sharma awhthatawk thu thawn pehparaw in a rualnu Huleng Simran Budharup in, “Anih hi a thinlung a vakvai zet ih a thanau khal a ol zet. Cu hleiah an innsang nun a nuam tuk lo,” tiah a sim.
A nu cun, a fanu thih thu ah Huval Sheezan Mohammed Khan a puh ih anih hin thataw dingin a nor, tiah a soisel.
Thuthang lengvak ahcun Huleng le Huval hi an ngaizawngaw dah ih kan dung reilote ah an tthenaw, tiah an sim.
Tunisha Sharma thih thu ah Huval Sheezan Mohammed Khan cu palik in an kai, tiah theih a si.
Netabik thuthang ahcun Huleng hin nau a pai, ti a si ih a dik le dik lo, post-mortem an tuah hnu lawngah a theihtheih fang ding.
Tunisha Sharma thih thu ah laithatnak lole mah le mah thataw hrimhrim a si, timi thubuai 2 zoihnit ding an nei, tiah India Today cun a tarlang.
Leave a Reply