IHBURLEN pictures THUANTHU TAWI

Hi hlanah Chinmi in zuknung zoh ding kan nei phahphah. Asinan, thapetu mipi lam tlaksam tuk ruangah maw, sumlu harsatnak ruangah maw, sunzom in tuah theitu an um nawn lo. Cu tikah kan miphun kan na. A hleice in thangthar nonawn pawl in miphun dang zuknung zuun ah an uai thluh.

Cumi cu tuar na in, kan miphun in kan tulsam zetmi Chin zuknung sersuak dingah ‘IHBURLEN pictures’ timi 2016 kum ah din a si. Kan din thok ihsin tuni tiang sumpai zianghman kan nei lo, mipi thazang peknak ring liolio ih dinmi a si.

A hmaisabik ah Delhi ih khawsa Chinmi raltlan dinhmun pholangnak zuknung ‘SANTISUAR’ timi 2016 ah kan zuk. Sim zo bangin lolak rori in kan thok ih Lemcangtu, in telpitu le cameraman khal hlawh man kan pek thei lo lawng si loin anmahte suncaw, lam caw tumaw in kan zuamtlang hai. Cutin Pathian lam hruainak in 2017 ah thangzamnak (release) kan tuah thei. Mipi in thazang in pe zet. A hleice in Pu Lian Cung Nung Yangon, Francis Lal USA le Sadaw Tefa (SGP, USA) um pawl ih sumpai bomnak in zuknung pitlin thei fang kan si.

Cun, CHIN PAWLPI, USA in USA ram sung a zuarnak tuanvo in laksak hleiah 2017 ih an tuahmi Chin Kum Thar Puaipi ah thangzamnak in tuahsak ih an khuallian Pu James Dar Ro Thang in release nak a nei. Himi ah bulpak in lungawithu kan sim duhmi cu Pu Ngin Za Pum a si. Amah in in tawlrelpi hlah sehla thuhla a feh ding zat a feh lo men thei. Europe Falam Community khalin Europe ram sung in zuar bawm ih kan tha a tho zet. Ram sung ram leng thapetu kan phu lo zetin kan ngah. Kan tha a tho ngaingai.

Peh vivo ding….

Be the first to comment

Leave a Reply

Your email address will not be published.


*