Myanmar hulengdawh Thin Zar Wint Kyaw le a rualpi 5 pawl cu Lashio checkpoint ah kaih an si hnu July 7 ah Yangon ah an hlansawng ih a thuhla pehzom in zoihnitnak an nei vivo lai ding.
Hulengdawh Thin Zar Wint Kyaw cu July 7 ah Yangon a thleng feh zo ih thusuh ding thenkhat a um lai ruangah pehzom in thuhla zoihnitnak an neih ding thu SAC ralhrang thuphuangtu Zaw Min Tun in BBC hnenah a sim.
SSPP/SSA ih thuphuangtu Major Sai Phu Han cun Irrawaddy thuthang hnenah, “Mani ah SAC ralhrang thawn relremnak kan nei. Annih cu an kaih lo thu le thuhla suh duhmi an neih ruangah kol men an si thu, in sim. Cumi theh ah thlahsal dingin an rel.
Mani ah thlah dingin an rel. Asinan amah thawn kan pehtlaihaw hrih lo,” tiah a sim.
Hulengdawh Thin Zar Wint Kyaw hi SSPP/SSA ih sawmnak vekin July 3 ah Shan ramkulh thlanglam, Maingsu peng ih Hippo tlaser le Kethi peng ih Wan Hai hmunram pawl fang ih commentary zuknung tuah dingin a feh.
Anih le a rualpi 5 pawl cu Yangon ih an kir lamah Mongre ramri ih Checkpoint ah kaih an si. A tangah video zoh a theih.
Thin Zar Wint Kyaw ih zukmi zuknung pawl cu Wan Hai lam ih Shan thuthang zung cun July 7 ah tarlangnak an nei.
Leave a Reply