Myanmar hulengdawh Thin Zar Mint Kyaw cu SAC ralhrang in an suah zo, tiah SSPP/SSA thawn naihniamaw zet thuthang pakhat sirhsan in theih a si, tiah Mizzima in a tarlang.
Kum 34 mi Thin Zar Wint Kyaw cu July 6 zinglamah Southern Shan State, Wan Hai khawpi hauhnar Mong Re checkpoint ah an kaihmi a si.
Cumi hnuah SSPP/SSA uknak ram sungah zuknung a zukmi pawl thu thawn pehparaw in kawh le thusuh a si, tiah SAC ralhrang lam cun thu an suah.
Thin Zar Wint Kyaw cu July 3 ahkhan SSPP/SSA Headquaters umnak Wan Hai ah minute 6 rei video pakhat a thlah dah.
Himi video ahcun SSPP/SSA uniform a hruh ih SSPP/SSA ralkap pawl thawn building ropi zet an hal, tlawng pawl an vehvai ih hminthang Hippo tlaser tla an va zoh.
“Hitawk kan fehnak lamtluan ah a him lawlaw. A hmunram a thiang ih a nuam tuk. Tlaser ka thlen tikah ka hlipar tuk,” tiah a sim.
Kaih a si hlanah SSPP/SSA ih vice chairman fanu tei’ neihawknak zanriah hilnak ah SSPP/SSA uniform hruh in mopuai a zawh ve.
SSPP/SSA hi SAC ralhrang mangpa Min Aung Hlaing thawn Nay Pyi Taw ah tongaw dingin an rak tum dah.
Asinan Shan ralkap hrangih thupi zet sakhan pathum thu ah SAC ralhrang in thiahbal an tumsak ruangah tonkhawmawknak an tuahsal thei lo.
Leave a Reply