Huleng Wutt Hmone Shwe Yi in nunau harsaknak bawm cio dingin mipa pawl a sawm

November 25 hi nunau kaihhrem le hmuhsuam dodal ni (International Day for the Elimination of Violence Against Women) a si.

Myanmar zuknung lemcangthiam Huleng Wutt Hmone Shwe Yi cun himi ni densan in a Facebook Page ah tuvekin ca a ngan.

“Tu ni hi International Day for the Elimination of Violence Against Women ni a si. White Ribbon Day ti khalin an ko. November 25 ihsin December 10 tiang, ni 16 sung cangvaihnak a si.

Kan tlanlennak leilungpi ah nupinu le nunau tleirawl pawl parih hmuhsuam/kaihhremnak um lo dingin Campaign tuah caan a si.

Gender-based Violence timi cu innsungsang ih hmuhsuamawknak siseh, duh na lo cingih kaihhremawknak siseh, nunau parih thahrum suah cangvaihnak a si.

Tuni ihsin thok in nunau pawl lawngin si loin mipa pawl khalin kan kiangkapih nupinu, nunau tleirawl pawl hmuhsuam, kaihhrem an ton kan hmuh tikah kan bawm pei uh.

Leitlun ih nunau pawl khal an sinak zawnah tihzah upatnak thawn kan pehtlaih pei uh. Let’s Respect Women, and Elevate the World, tiin Wutt Hmone Shwe Yi cun ca thlah.