South Korea huleng hminthang Choi Ji Woo le a pasal hi an khukhriaw hrawng tiah mi tampi cun an zum laiah a ngaingaite cun Choi Ji Woo hi a pasal hnakin kum 10 hrawng a upa, ti a si.
June 14 ahkhan kum 40 hrawng a simi huleng cu Yongsan District, Seoul khawpi ih Itaewon a inn hmaiah kum 30 hrawng a simi mipa (a pasal) cun nam in a ra dawt, tiah media pawl in an ngan thu kbizoom thuthang cun a tarlang.
Huleng hi sizung lamah fehpi a si ih a pasal lawngte laithat dingih tumtahnak thubuai orhter in an kai, tiah an sim.
Thuthang an zingzoi vivonak ah Choi Ji Woo ih pasal hi hriamhrei lampang a buaipi dah thu theih a si vivo. A nupi that dingin an inn hmaiah a bawh ringring, tiah an thei.
Annih pahnih hi kan dung thla reilote ah an rak thenaw zo. Curuangah a pasal cu huleng Choi Ji Woo parah lungawi loin tuvekin a cangvai, tiah an sim.
Internet hmangtu pawl cun hi thuthang suahnak hi an ngaihven rero nan, huleng cu zo a si timi an theifiang thei lo. A then cun Choi Ji Woo a si ko ding, tiah an zum.
Thuthang ih an thehdarh vekin kum 47 le kum 39 nupa kop an ti ruangah Choi Ji Woo tei’ nupa an si an zum.
Huleng Choi Ji Woo cun thilthleng cu a thup ih a hlan ih zuk pakhat post in a pheh hrih.
SNS hi a share mi zuk ahcun huleng hin pangpar tom khat thawn a post aw ih lungawithu simnak nei in an nupa cu nuam zetin an pehtlaihawk lai thu a tarlang.
Khatlamah huleng ih agency YG Entertainment lam cun zianghman awn-au an suah duh lo ruangah mipi thinlung a vaivuanter zet thung.
Leave a Reply