Magway ramthen, Hteelin peng, ကျားခဲ khua urkangtu SAC ralhrang cu tualsung hriamhrei kai pawl in an kap ih ralhrang Lieutennant-Colonel pakhat telin 5 an thih thu YDF tuanvoneitu hnen ihsin theih a si.
November 1 ah Hteelin peng, ကျားခဲ khua ih inn 16 cu SAC ralhrang 100 rual in an nawkkang ih zinglam nazi 9:40 ah ပါးမျဥ်း khaw lamah bur thum ah tthenaw in an feh laiah tualsung hriamhrei kai pawl in rak kap.
Takhin Zaw Oo (သခင်ဇော် ဦး) YDF (Hteelin) hohami pawl cun SAC ralhrang 9 cu hmunbur ah an rak kap ih a hmunah 4 an thi, 5 hriamhma an ngah, tiah theih a si.
Hriamhma ngahtu lakah ralhrang Battalion commander a tel ih cerek in a el a ngah ruangah Hteelin khawpi ah an kirpi ih cutawkah a thi, tiah YDF lam cun an sim.
Netabik thuthang vek asile YDF mipi ralkap pawl ih kahnak ruangih dungsiptu ralhrang rual cu Hteelin khawpi sungah anmah le anmah lakah buainak a suak bet.
Khawpi sungah meithal tla an kap ciamco, tiah YDF tuanvoneitu cun a sim.
Leave a Reply