Tung feh milai lakah minung malte lawng hin mi hruaikaih thiamnak an nei.
Kaihhruai thiamnak hi pianpi hrimhrim an um vekin zir so vivo thei khal a si ih mah rori in kan zuam ahcun a cangtheimi thil a si ko. Asile ziangin kan thok pei?
1. Na thinlung sung thuk bikih au-aw ngai aw: A hmaisabik ah mah le mah ‘zo ka si’ ti theihawk a ṭul. Ziangvek minung si ka duh? Ziangmi ka tuah ding? ti pawl awm sung ihsin suakmi au-aw na ngaithlak hmaisa a ṭul.
Nangmah le nangmah na theihawk ngah hnuah na tuahṭuan dingmi parah awk-ai loten thuṭhencatnak na nei thei ding.
Cun, nangmah le nangmah na rinsanawk ngah hnu cun midang khalih zum le rinsan na hlawh mai ding.
2. Mai ṭuanvo hlensuah: Midang kaihruai thei ding cun a hmaisa ah nitinten mai’ ṭuanvo hlensuah thei rori, a ṭul ko.
Mai’ hna hman pitlin loin midang va kaihruai cu ‘ka lo sim vekin tuah aw, ka tuah vekin i cawng hlah,’ ti thawn a bangaw! Hihi a thupi tuk, mai ṭuanvo hlensuah rori hi…
3. A ṭul dan ih ṭong ngam puppo: Hnaṭuan thu ah siseh, meeting nak ah siseh, midang thawn pawlkomnak hrimhrim ah mai’ rel cak zetmi ṭong ngam lo, ningzak tivek hruaitu cun a ngah lo.
Mai sim duhmi fiangfai fukfo le ralṭha zetin sim ngam ding a si. Ṭongkam felfai lo, ṭhukṭhun duatdo ih ṭong hin mi in zumtlak le thluntlak ah an ngai lemlo.
Ralṭha zet le mai’ ṭongmi parih ding ngam hruaitu si a ṭul.
4. Mah le mah rinsanawknak: Hihi a thupit tuk ruangah rel nonsal ka duh. Mah le mah rinsanawknak hi a thupi tuk lawmmam.
Mai’ hna ah, mai’ ṭongmi ah le cangvaihnak tinkim ah mah le mah rinsanawknak pumhlum neih ding a si.
Hi pawl na pitlin thei asile nang cu hruaitu ṭha pakhat na si ding.
Leave a Reply