Hringnun ah sumpai ih kan lei thei lomi thil (5)

Sumpai um phot sehla ziangkim lei a theih tiah olsamten kan sim ṭheu. Si ee, thil ṭhenkhat cu lei a theih ngai. Asinan sumpai ih lei theih lomi thil sunglawi zet an um. Sumpai ih thlengh thei lo khal an um.

Khatlamzawng ih kan sim asile sumpai ih lei theih pawl hi rei an daih dah kel lo. Asinan sumpai ih kan lei thei lomi pawl lawngte an hngetkhoh ṭheu. Cu pawl tla cu:

1. Caan

Premium Photo | Reflection of branches of palm trees in the windows of a light building in a tropical country

Kan theih cio vekin caan hi ziangtluk a mankhung. Mi pakhat hi huham nei zet, mi ropi zet khal si sehla caan tlunah thuneihnak a nei thei lo. Sumpai in caan liam zomi leisal a theih lo vekin a ra lai dingmi caan khal lei lawkcia a theih ve lo.

Leitlun ah ‘caan’ tlukih huham nei an um lo. Caan hin ziangkim a khuahkhirh thluh. Curuangah a tikcucaante ah kan zir, kan tuah ding kha a thupi. Ṭhenkhat cu caan kan hman thiam lo ruangah kan siraw ruangro ṭheu. Jonathan Estrin cun ‘Caan upat thiam le thiam lo tahfung cu ziangvekin a hmang ṭangkai timi ah a ṭhumaw,’ tiah a sim.

2. Lungawinak:

Promo forfait mobile : 3 offres valables à vie

Nitin rori lungawi thei hlenghleng lo an um. Cu pawl khi a tam sawn cu sumpai an neih lo ruangah si loin an sumpai in lungawinak a thlenpi lo ruangah a si sawn. Sumpai neih hi lungawinak thlentu ah kan rak ruat ṭheu nan, a rak si riai lo. A nei tam pawl hleihlei thinpit le vansang in an um sawn. Curuangah sumpai hin lungawinak a lei thei hrimhrim lo.

Mai sinak ih lungawi, mai dinhmun ih diriam le mai’ cantawkih hnangamnak tivek pawl khi sumpai neih ciamco ṭul loih kan ngahmi an si. Tibet phungki mifim zet cun, ‘Lungawinak hi sumpai ih lei ding va hawl ciamco a theih lo. Kan tuahṭuannak ihsin amahte kan ngahmi a si,’ tiah a sim.

Rualpi ṭha:

Vacation Hitchhiking High Resolution Stock Photography and Images - Alamy

Ṭhenkhat cun neinung sehla rualpi cu kan nei tam mai ding, an ti ṭheu. Sumpai neih ruangih rualpi kan neihmi khi rualpi ṭha taktak an si lo. Cuvek pawl cu tlaksiat caan ah an hlo ṭheh men. Rualpi ṭha pawl cu sumpai ih lei theih lo minung pawl khi an si.

Curuangah rualpi ṭha hawl awla sumpai in lei tum hlah. Rualpi ṭha cun siat na ton ah hlapi ih a um hmanah a lo pan ding. A lo pehtlaih tengteng ding.

3. Duhdawtnak:

Duhdawtnak hi a kau tuk ih a thuk tuk fawn. Rualpi duhdawtnak, unau duhdawtnak, sungkhat duhdawtnak le innsang duhdawtnak pawl hi sumpai ih lei theih a si lo. Ṭhenkhat cun sumpai nei tam nungla duhdawttu kan ngah si mai, kan ti. Sim zo vekin cu pawl cu sumpai neih lo caan ih mitthli tlatertu men an si.

Ngaizawng thu khalah sumpai ih lei theihmi an si ahcun duhdawtnak a tling lo. In duhdawttu taktak cu sumpai kan neih lo caan khalah in duhdawt dan a kel thotho. Sumpai cun hip theinak huham, phurnak mi a pe ko nan, duhdawtnak lawngte a lei thei cuang lo.

4. Harhdamnak:

jogging with glasses buy clothes shoes online

 

Kan damlo caan ah sizung ah sivai phunphun in tuamhlawmawk a si ṭheu. Asinan kan nat dan ihzirin damnak kan hmu ih dam thei lo dinhmun khalah kan thleng thei. Damnak pawnlang cu sumpai in a lei thei ko nan, nat besia lawngte sumpai in a lei theih cuang lo. Tuamhlawmawk ṭul lo rori ko um ding cun sumpai in a lei theih lo sinsin.

Natnak pakhat hman nei lo ding le harhdam lellel ringring dingin sumpai in lei tum bang sehla ziangtluk a harsa pei!

5. Nunnak:

Premium Photo | Chinese tourist walking in city streets on asia vacation tourism. caucasian beautiful woman in hat with backpack travel lifestyle concept. walking street, green palms and highway in sanya, hainan.

 

Damlonak phunphun cu sumpai in kan tuamhlawmaw thei a si mahna! Nunnak thaw lawngte sumpai ih lei theih rual a si lo. Theih sehla leitlun ih milian pawl an thi dah lo ding ih mi rethei pawl ni khat hman kan nung ngah lo ding.

Sumpai ih lei theih lo (5) kan tarlangmi pawl khi manmual an neihzia siar thiamtu kan si ih ṭangkai zetih kan hman thiam ding a thupi tuk.

Be the first to comment

Leave a Reply

Your email address will not be published.


*