Homework a tuah ṭheh lo ruangah a nu in nisa lingkheng hnuaiah a pho

Vairam (India) nikhua satzia cu celh rual a si lo, tinak laiah Delhi nu pakhat cun a fanu kum (5) mite cu Homework a tuah ṭheh thei lo ruangah hremnak a pe ih nisa lingkheng hnuaiah a pho.

Vile parent 'ties up' girl, 5, and leaves her on terrace for 'not finishing homework' - Daily Star

Phun (1) kai a fanute cu hridai in a kut dunglam a ṭawn ih an inn tlun rawn ah a pho men.

Hi thilthlennak hi Delhi, Tukhmirpur, Karawal Nagar veng ah a si ih June 2 ih thlengmi a si.

An innhnen mi pakhatin nauhak nisa hnuaiih lawngtal rero cu video a rak zuk ih social media ah a thlah. Video ih rak zohtu pawl cun nauhak nute an zangfah zet bangtukin a nu khal an mawhthluk zet.

Delhi palik pawl cun an thei lohli ih thilthlennak hmunah an pan cih. Palik pawl hi sim dan ahcun nauhak nute hi a kut dunglamah hridai in ṭawn a si ih cutin nisa hnuaiah a nu in a pho, a pa thawn pehparawknak an nei lo, tiah an rel. Curuangah a nu cu thubuai tuahsak dingin an tawlrel rero lai.

A pa hi thirleng in a lengsuak. Inn ahhin a nupi le a pa (nauhak nute ih pu) an um ih nauhak nute ih pa hnenah a pu cun phone in thuhla a hei sim.

Asinan a pa inn a tlun hlanah video thlahmi an sungkhat pawl in an kuat ih a thinheng zet. Cuhleiah inn a va tlun tikah an fanute cu hridai ṭawnmi phelhsak a rak si zo.

Hi nauhak nute ih tuarnak video rak upload tu cun, “Tuksumza rori a si. A hremtu a nu rori khal ziangtluk a harzia thei dingin nisa ah pho sisehla ka duh. Anmah le an rethei si ih nauhak nute hi zangfakza a si ko,” tiah a sim.

Delhi thuneitu Rakesh Asthana le nunau canvo humhualtu Swati Maliwal khal video Tag an si zo ih, ‘a zamrang thei bikin hremnak pe uh,’ tiah ca a ngan.

Be the first to comment

Leave a Reply

Your email address will not be published.


*