Hmai tuam mi pakhat cun MDY PDF hmin in SAC ralhrang pawl a ngiar

Hmai tuam mi pakhat cun Mandalay PDF hmin in video a thlah. Hi video hi Mandalay ih SAC ralhrang kuttang hnatuantu palik pawl a hrinhronak a si ih ralrin peknak khal a tel.

“Tuni ah ralrinnak ka lo pe. Hi raldoawknak hi mipi le ralhrang thuneitu doawknak a si. Kai dingin kan inn in ra hawl laiah in kaih ngah lo ruangah kum upa kan nu le pa, kan unau le naute tiangin nan kai, nan that.

Hi nan thiltuahmi hi a rei hrih lo ruangah nan cing lai ko ding. Atu cu kanmah rori nan sangka hramah kan ra ding. Tuitum cu ram kan tawih caan a thleng thlang.

Thinlung thiangten signboard keng ih duhphorhnak kan tuah laiah nannih cu meithal keng in nan aukio. ‘Zo si ra suak ding? Zo si thi ngam? tiin hro nan suang!

Hihi kan hngilh thei lo.

A si, thih kan ngam tuk! Atu cu thu kan lo sut thlang. Mipi dokalhtu lam ihsin zo si thih ngam?

Tuitum cu ram kan tawih caan a thleng. Thisen phulak thu ah biak remawk theih a si nawn lo,” tiin MDY PDF timi cun video a thlah.

Be the first to comment

Leave a Reply

Your email address will not be published.


*