Madalay ramthen, မဟာအောင်မြေ peng ah November 20 zan ahkhan ralhrang pawl in hlawhhlang an sang ih sumpai bumawknak thubuai ruangah an hotu an zingzoi ih palik pakhat a si, tiah palik thawn naihniamaw zet mi pakhatin a rel.
“Ralhrang pawl in nomcennak ah hlawhhlang an ko. Sumpai an pe hmaisa ih hlawhhlang pawl cu hotel lole ralhrang thlennak an feh hnuah ‘camkhatten’ tiin an suaksal ih an hlo.
An ra kirsal nawn lo. Ralhrang pawl cu an thinheng tuk ih thuhla an zingzoi vivo tikah hlawhhlang zuartu bik le tuanvoneitu bik hi palik a rak si,” tiah palik thawn naihniamaw zettu cun a sim.
“Thil thlen dan cu November 20 zan ah ralhrang bawi pakhat in hlawhhlang a ko.
Online ihsin an hotu a pehtlaih ih hlawhhlang nute cu hotel a thlen hnuah, ‘tak kan kholh ta ding,’ tiin ralhrang bawi cu a sawm ih ralhrang bawi ih uniform, tangka in phone a laksak.
Ralhrang bawi cu taklawngpi in a um. Hlawhhlang nu cu an hawl tikah a relhnak palik pai’ hnenah an va kai,” tiah an sim. Palik Nay Zaw Hlaing khal kaih cih lawlaw a si.
Palik Nay Zaw Hlaing hi hlawhhlang a kolkhawm ih sumpai mi bumnak ah a hmang theu.
Atu ahcun palik Nay Zaw Hlaing cu Mandalay ralhrang hrem hmun ah an hrem rero lai, tiah theih a si.
Leave a Reply