Hlawhhlang hnatuan dingih bummi nunau 6 an runsuak

Myanmar ramri lamah hlawhhlang hnatuan dingih hramhram ih normi nunau 6 pawl cun social media ah bomnak an dil vekin Myanmar-Thailand ram hnih zuamnak in an runsuak ngah, tiah The Thaiger thuthang cun a tarlang.

Image-142-(1).jpg

Thei Thaiger thuthang ih tarlang dan vek asile Chiang Rai Province, Mae Sai Township ih Myanmar-Thailand Friendship lilawn ah nunau 6 pawl cu Myanmar ram thuneitu pawl thawn relrem in Thai palik pawl in an ko tlung, tiah a ngan.

Hi pawl hi hlawhhlang hnatuan dingin hramhram ih normi an si ih an hmin cu kum 31 mi Nanny, kum 25 mi Ray, kum 25 mi Ing, kum 33 mi Nae, kum 21 mi Cake, le kum 33 mi Boom pawl an si.

Image-138-(1).jpg

Hi nunau pawl cu June 28 ahkhan Bangkok ihsin Ching Rai lamah bus in phurh an si ih a thaisun ah Myanmar lam Tachileik ah daan loin an luhpi, tiah theih a si.

Shan ramkulh, Mong La khawpi ih nomtawlnak KTV ah thla khat Thai Baht ting 6 (600000) hlawh dingin an tiamkam. Asinan a fehpi taktak cu Chaing Tung lamah an khor vivo ih hlawhhlang hnatuan dingin an nor vivo.

Cutikah hi nunau 6 pawl cun an duh lo ih an el. Hlawhhlang ih zuartu pawl cu an thinheng ih an inn lam pawl hnenah sumpai ih tlen dingin an phut hai.

Cu hleiah an tlansuak asile a tlansuak lotu in a tlansuaktu pawl aiah leiba a kuansak ding, tiah an hrinhro thu an rel.

Curuangah nunau 6 pawl cu an beidong tuk ih social media ah video an thlah ih bomnak an dil.

Image-137.png

Thai thuneitu pawl in video an rak hmu ih Myanmar ih Thai Embassy hnenah pehtlaihsak in tuvekin ram hnih tuantlangnak in an hruaisuak theisal.

Be the first to comment

Leave a Reply

Your email address will not be published.


*