Hi thil (4) ruangah Pathian hnen lungawithu sim uhsi

A caancaan ahcun hringnun hi vuivai mai a olte. Ziangahtile lei parih thilthlengmi hin thlangamnak mi a pe lo tuk. A sezawng ih thlir tla cun ziangkim hi riahsiatza an si theh ko. Asinan kan nun ah lungawinak siar ding tampi a rak um ve. Pathian kan parih a thatzia siar thiam awla na lung a nuam ding.

39 Core Values—and How to Live by Them | Psychology Today New Zealand

1. Kan nun ruangah lungawithu sim: Zan ah ihhmu thawten kan itthat ih thotu um nawn loin itthat lanta thei kan si laiah zing nitleu mawi hmu theisal dingin Pathian in a kutcak in in kaithosal. Hihin kan parah Pathian in tummi a nei: midang bawm ding thei dingin le kan duhdawtmi thawn nuam zetih lei mawinak tlantlang dingin a si ih zircawnnak lam le amah Pathian thlawsuah kan siar thiamnak dingin in kaitho a si.

How Waking Up Early Can Improve Your Health

2. Man loin thlithiang in pe: Damcak lai hrangah Oxygen ih manmual theih a har nan, tu vek Covid-19 vanglai ahcun Oxygen thupitzia thei lotu kan um, a zumum lo. Oxygen thawl lei tul loin kan suahthlak ihsin tuni tiang thaw kan thawt thei hi a va manhla tak em. Pathian hnenah lungawithu sim nakcang thiam lo cu mi-aa bik kan si ding.

3. In-ei, umnak inn in pe: Khuarel siatnak in mi tampi a nuai ih inn thatha, lo thatha le motor thatha an can laiah nang le kei cu kan dil thiam lo thlawsuahnak in thei, ei thei le cennak inn in pe. Hi ruangah khuarel siatnak ih a nuaimi pawl kan direm thu a tel lo. Anmah vekin tuar thei kan si laiah in tuarter siang lotu Pathian hi thangthat loawk a theih lo.

4. Nu le pa, u le nau, thianrual in pe: Khuarel siatnak, raldo thawm le pulhhri leng karah mi tampi cun an lungduh thianrual, unau le nu le pa in mual an liamsan ruangah mitthli tla in an um. Leitlun dan ah tuar thiam a har zet. Cu lak laiah nang le kei cu kan nu le pa, unau kim thepthiten an um lai. Himi hin nu le pa tihzah thiamnak ah le unau, thianrual neih sunglawi dan in zirhtu ah cang hram seh.

Be the first to comment

Leave a Reply

Your email address will not be published.


*