1. Harsatnak thimkhawzing a ra tlun caan ah zohman kutdawh dil aw hlah. Nangmai cahnak hmang in pahtlang sawn aw. Ziangahtile mi hmaiah na harsatnak thu na thlen tam tuk asile bom tum lam loin an lo nautat sawn ding.
2. Na tuar natnak pawl mitthli le canghnap thawn mi va ruah duh aw hlah. Ziangahtile a thupten an lo diriam ding ih hnihsuaksainak ah an lo hmang ding. Cu hnakin nangmahten neh tum sawn aw.
3. Na tlaksiat caan ah khukbil in zoi’ pa’h fa hmai hmanah kun hlah. Ziangahtile a ke in a lo cil bet ding ih na soprop lanta pang ding. Cu hnakin nangmahte sunralnak ihsin zirmi nei awla hlawhtling dingin zuam sawn aw.
4. Na hlawhtlin caan a thlen tikah zohman suk zoh in zoh cuang hlah. Ziangahtile mi in an lo ngainep pang ding. Minung zaten hlawhtlin le hlawhsam tahfung hmang loin bangranten zoh thiam tum aw.
5. Na hringnun kainak lilawn hi mi ṭhenkhatin an lo dompi laiah mi ṭhenkhat cu phehthluk ṭeuṭeu an lo tum ding, ti kha thei awla nun zir thiam vivo aw.
6. Thil pakhatkhat na tuah rero laiah a ṭhen in an lo hnihsan ding, an lo nautat ding. A ṭhen cun thinlung taktak tel lo, kaa paw leng menin an lo fak ding. Zokhal zum aw hlah, an bangaw ṭheh. A thupimi cu nangmah lawng zumaw aw, nangmah lawngin nehnak lamzin na sial thei.
7. Thil pakhat na tuah tikah na sungte pawl in an lo zahpi ding, na sungkhat naivai pawl in an lo dungtun ding. Asinan midang sawnin ṭha an lo pe sawn riangri men ding. Cumi ruangah beidong loten zuam thotho awla a rahsuah cu a thlum zet ding.
Leave a Reply