Hakhathar ah SAC ralhrang in mi 19 an kai, thenkhat cu an rawl ei laiah an kai

Mizan October 20, simlam nazi 3:30 hrawngah Falam lam ihsin Hakha khawpi ih luttu SAC ralhrang pawl cun Hakhathar khuami kum kim lo le damlo mina besia tel in minung 19 an kai, tiah theih a si.

SAC ralhrang pawl hin Pu Ral Lian tei’ inn ( Hakhathar luhnak tontir inn hmaisabik) ihsin စီမံခန့်ခွဲရေးဦးစီးဌာန (စစစ) karlakah bomb kan hmu tiin zunginn saktu minung 3 le Pu Lal Lian tei’ sung minung 5 (nunau 3, mipa 2), an inn sangtu minung 3 le inntek minung 2 an kai.

“Cun a langmi minung 8 an um ih Covid-19 in na ih bese deuh an si ruangah nauhak le nu an si thawn an fehsan. Tuni zing lam nazi 7:00 hrawngah an inn kan va zoh tikah zohman an um nawn lo. Mizan zanriah an ei laiah an kaihmi a si ko ding, an rawleinak khengkho khal finkhawi man lo le an inn sangka khal kalh ta loin an kai.

Pu Ral Lian tei’ innhnen a simi Pu Hmun Mang le a fapa 2 khal inn sangka khar loin an um ruangah an kaih ve a si ko ding. Atu tiang an thawmvang theih a si hrih lo,” tiin khuami pakhatin a rel.

An kaihmi pawl hi inntek Pu Ral Lian le a dang 7 an si ih kum 17 mi nauhak 2, kum 4 mi 1, kum rei zet hngor mizeng nunau, Covid-19 ih damlo mi 5 an si ih an zaten mi 19 an si, tiah theih a si.

Be the first to comment

Leave a Reply

Your email address will not be published.


*