Germany acozah dirh-thlak tum tiih rinhmaimi minung 25 an kai

Germany acozah dirhthlak tum in an zuam, tiah puhmi mi 25 cu December 7 ah German palik in an kai, tiah theih a si.

Palik pawl hin an ramsung hmun tintian hrawh in an dap hnuah ramsung thahrum suah ih cangvaitu pawl thapetu tiin mi 25 an kaihnak a si.

far-right member timi ramthukhel pawlkom pakhat hin acozah tthiatbal in acozah thar sersuah dingah tumtahnak an nei, tiin an hmu ih an kaihnak a si, tiah Germany palik hotu cun a sim.

Germany ram, ramkulh 11 sungah rinhmaimi minung 52 ih neihsiah inn le lo, 130 an dapsuah thu, tui’ an kaihmi pawl hi 2021, November ih dinmi hriamhrei kai pawlkom pakhat thawn pehtlaihnak an neih thu, an kaihmi 25 lkah German mi 24 le Russia mi 1 an si thu, Germany palik hotu cun a sim.

Be the first to comment

Leave a Reply

Your email address will not be published.


*