South Korea ram ah Myanmar dothlengnak hrangah Fundraising tuah in an cangvaihnak ah Korean mi pakhat cun a hnoksak, tiah theih a si.
June 25 ah Myanmar mi pawl cu Pyaung tlangleng cawlhhmun hmaiah dothlengnak fundraising an tuah laiah kum 50 mi hrawng Korean pacang pakhat cun a hnaihnok. Zu palang in a deng hai ih buainak a tuah.
Cu hleiah tongkam euhseuh in a camriam hai. Curuangah Fundraising committee lam cun NUG palai zung phone in bomnak an dil, tiah Ko Soe Moe Thu cun a sim.
“NUG palai zung kan phone veten a rei hlanah palik an ra thleng cih. Palik an ra thleng ih buainak tuahtu pa cu thu an sut. Ziangruangah buainak na tuah, an ti tikah anih cun ‘mi ram ah ra in hnawmhne an pungter,’ tiah a sawn.
Palik pawl cun, ‘annih pawl ruangah hnawmhne a pungmi na hmu maw? South Korean mipi pawl hin hnawmhme an pungter sawn. Ziangruangah midang lamlam na mawhthluk,’ tiah an kai.” tiin Ko Soe Moe Thu cun a sim.
Dothlengnak hrang Fundraising tuahtu Myanmar mi pawl zu palang ih dengtu, thlaphang dingih tuahtu Korean pa cu Won 50000 an cawh, tiah theih a si.
South Korea ram ahhin Myanmar mi pawl zarh tin deuhthaw zarhteni le zarhpini ah Pyaung tlangleng cawlhhmun ah Fundraising an tuah theu.
Atu hi a vei khatnak hnoksak an ton tum a si, tiah theih a si.
Leave a Reply