UWSA ‘Wa’ Headquarter Panghsang ( ပန်ဆန်း) ah ni hnih sung an tuahmi Federal Political Negotiation and Consultative Committee (FPNCC) tonkhawmnak ihsin relcatmi thupi 3, tuni March 17 ah an suah.
Cumi thupi 3 pawl cu:
-Kawl miphun thawn remdaihnak le Federal Democracy rampi dinsuahnak ah miphun mal sawn, tlangpar mi pawl ih thazang le thiltitheinak lawng tlaihsan dingin.
-Myanmar ramsung buainak rehter a si theinak dingah China ih hrolhawknak kan cohlang.
-Ramri remdaihnak ah China acoah thawn nasa zetin hna kan tuantlang ding, timi pawl an si.
Hi an thurelcatmi vekin tonkhawmnak an ttiak tikah China ram feh in Myanmar hrang China palai Deng Xijun an va tong ding, tiah theih a si.
Mr. Deng Xijun hi EAO thawn tu le tu an tongaw ih Naypyidaw ah feh in Min Aung Hlaing thawn khal an tongaw. Cumi hnuah FPNCC tonkhawmnak a ra cangsuak, tiah an sim.
FPNCC tonkhawmnak ih teltu pawl cu ‘Wa’ United Wa State Party (UWSP), KIO, PSC, SSPP, MNTJP, ULA/AA le PSLF an si.
Leave a Reply