February ah SAC ralhrang in hmin thar a thlengh ding.
February 1 ah Myanmar rampi thuneihnak latu SAC ralhrang mangpa Min Aung Hlaing in ukawk daan thar thawn hmin thar a thlengh ding, tiah theih a si ih himi ruangah ralhrang hotu thenkhat an lu a zing, tiah Naypyidaw ih ralhrang hruangkulh thuthang in theih a si.
“State Adiministration Council” ‘SAC timi hmin cu Januay 30 ah phiahhlo a si dingih hmin thar, ukawk daan thar le sungtel thar thlakthlengh-awknak a um ding.
Ziang a cang vivo ding ti relcia a theih lo. Tui’ January thla cem ah thuhla tawkfang cu theih a theih ding,” tiah ralhrang sumdawnnak MEC ih hotu pakhat in a rel. Anih cun thuhla cipciar ih rellang a ngam lo ih, “Guardian Government” timi a si ko,” tiah a sim.
SAC ralhrang hotu lamih mi pakhat cun tui’ thla cem cun a hnatuan a cemcih ve ding thu a rel ve.
2023, Februay 1 khi SAC ralhrang in rampi thuneihnak an lak kum hnih kimnak cam a si.
Leave a Reply