FBC-Mandalay Pastor Rev. Thian Lian Sang kum 23 thawngtla dingin daantat

Thian Lian Sang SAC ralhrang in kum 23 thawngtla dingin daantat.

No description available.

2021, September 16 ih sullam um loin an kaihmi Mandalay khawpi ih Falam Baptist Church pastor Rev. Thian Lian Sang cu SAC ralhrang in December 7 ah kum 23 thawngtla dingin daan an tat, tiah theih a si.

Rev. Thian Lian Sabf cu Section 505 (a) sirhsan in hna khunghar kum 3 le section 49 (a) sirhsan in hna khunghar kum 20, tiin kum 23 sung, hna khunghar tuan dingah daan an tat, tiah a innsang naihniamtu mi pakhat hnen ihsin theih a si.

Rev. Thian Lian Sang cu SAC ralhrang tirhkah pawl in 2021, September 16 ah a umnak Mandalay lamzin 79, lamzin 40 le 41 karlak a inn ah motor 3 le bike 3 in hnipuan menmen hruh ralhrang 20 rual in an kai.

Falam Baptist Church-Mandalay Pastor Rev. Thian Lian Sang hi mi dikdawh zet a si ih pastor a sinak thei zetin ramthukhel ah a hnawihnihaw lotu a si.

Pathian hna lawng tuan niakno mentu a si ih mi harsa mangbang pawl ngaihsak zettu a si, tiah a innsang thawn naihniamaw zet, mi pakhatin a rel.

Be the first to comment

Leave a Reply

Your email address will not be published.


*