Favon nupinu in inn kang lak ihsin nutar kum 90 a runsuak

Inn kang hluahhlo lakih nutar kum 90 mi, favon in runsuak.

No description available.

January 9 ah Sagaing ramthen, ဒီပဲယင်း peng, အင်တိုင်းလေး khua cu ralhrang in an nawkkang ih khawsen in an tlan.

Asinan tlansuak thei ve lo, nutar kum 90 mi le favon nupinu pakhat khawsung ah an tang.

Ralhrang rual cu khua an suahsan hnuah tualsung hriamhrei kai pawl in nutar pakhat khawsung ah a tang, ti an thei ih runsuak dingin an va feh. Cutikah nutar le patar cu nupinu favon laiin hmun himah a rak hruaisuak an va hmu.

Favon nupinu cun nutar cu a cawi ih hmun himnak ah a fehpi. Cumi hnuah ko-bat in a hruai ih a kiangah nutar ih pasal patar zet in a thlun hnohno an hmuh tikah tualsung hriamhrei kai pawl an lungawi tuk.

SAC ralhrang hin January 3 ihsin ni 9 tiangah ဒီပဲယင်း peng sungih khawte 11 ih inn thawngtel an nawkkang. 2022 December thla sungah khawte 22 an nawkkang ih inn 2900 vutcam ah an cang.

No description available.

SAC ralhrang in rampi thuneihnak a lak hnu ဒီပဲယင်း peng ih inn 4200 nawkkang an si zo, tiah tualsung hriamhrei kai pawl in an sim.

Be the first to comment

Leave a Reply

Your email address will not be published.


*