Fate sual neih hi nu le pa’h mawh maw, fate ih zir lo hrimhrim?

Kum 20 hrawng mino cun zuk le hmawm le a dang thil tha lo rittheihthil a hmang ih, Pathian lamih a nun a hman lo tikah le a zuva tikah mi tampi cun a rualpi kommi in a zir lopi, a hlanah mifelte a si.

Angry Mother And Her Children Stock Photo - Download Image Now - Anger, Displeased, Mother - iStock

Asinan a rualpi kommi ruangah hivekah a cang, tiin nu le pa pawl cun an fa le ih rualpi pawl an mawhpuh theu?

A hrekkhat cun nu le pa an mawhpuh ih, a hrek cun amah in a zir lo hrimhrim si hi tiah an ti.

Cutivekih tleirawl kum note in sualnak lamzin a zawh tikah zo ih mawh bik ha a si ti hi thusuhtlak tak cu a si.

Amah ih mawh khal a si ih a nu le pa ih mawh khal a si thotho. An mawh veve tinak a si cu!

Unhappy Young Family Stock Photo - Download Image Now - Parent, Divorce, Arguing - iStock

Nu le pa’h mawh

Profet Eli ih fapa pawl khan thilsual zet an tuah tikah Pathian cun Eli le a fapa pawl a hrem ti kan thei. Ziangruangah Eli kha a hremnak san? Eli khan a fa le nunsimnak a neih dah lo ruangah a si.

Fa le hrangih Pa tha zet si khal a tum hrimhrim lo, a fa le in sualnak an tuah khalah a rak dawn dah lo (1 Samuel 3:13).

A fa le nun a sim duh lo ruangah a fa le cu sualnak sungah an tla ih, Pathian cun a fa le nun a sim lotu Eli khal kha a hrem cih ve. Fa le nun sim lo ruangah hremnak a tuar a si kha.

Raising Countercultural Kids in the United States of Addiction (Part 2) – Growing Up Well

Fa le ih mawh

Fanau pawl sualnak ih an tlaknak hi nu le pa ih mawh lawng khal a si ve ce lo. Anmah ih duhhrilnak ruangih sualnak ih tlulut khal an um.

Cuvek dinhmun ih a dingtu pawl ih nu le pa cun zianghman sualmawhnak an nei ve dah lo.

Thimnak ah Prophet Samuel ih fapa khan thilsual a tuah nan Pathian cun Samuel kha ziangtin hman a ti ve lo.

39 Signs Of A Dysfunctional Family

Samuel par khalah hremnak a thlengter lo (1 Samuel 8:3). Nu le pa ih nun sim thluh hnu khalih thil sual tuah thotho, nu le pa’h nunsimnak zianghman ih siarlo pawl cu anmai duhhrilnak ruangih sual an si.

Curuangah nu le pa pawl nan fa le pawl ih zohthimtlak dingin nun hmang hram uh.

Khristian nunzia diktak in nun hmang uhla, nan fa le pawl in Pathian thu an awih theinak dingin thu zirh uh.

Asinan nan fa le cun, “Kum 20 lai ka luan zo, nan nunsimnak khal ka mamawh lo, Jesuh dungthlun khal ka duh lo,” a ti ahcun cumi cu amai duhhrilnak a si, nang ih duhhrilnak a si ve lo.

Fa le hrangih nu tha le pa tha si dingih na zuam a si ahcun Pathian cun sualmawhnak a lo tuarter zik lo.

Prayers for the Sick - For Comfort, Strength and Healing!

Asinan nan fale hrangah thlacam uhla, lamzin dik kawhhhmuh cu cawl cuang hlah uh (Ezek 18:1-20).

Be the first to comment

Leave a Reply

Your email address will not be published.


*