Falam peng khua 90 ah tlawngta mipum 4500 lenglo CNO/CNDF hmalaknak in cazirh ding

Myanmar ramsungah SAC ralhrang uknak ih tlawng onnak duh loin mai’ peng le khua ah a cangtheitawk in mipi acozah in tlawng phuan cio a si.

Chinram Falam peng ah CNO/CNDF khalin mahte tlawng phuan dingin a zuam ih 2022, April thla ihsin ni 30 tiang Tlawng cazirhtu saya/ma training-nak a pe.

Training petu hi mipum 17 an si ih training kaitu mipum 200 hnenah cazirh dan pek a si. CNO GS cun, “Kan hrangih tangkai lo Kawl thuanthu pawl zir nawn loin kanmai’ miphun thuanthu kan zir thlang ding,” tiah a sim.

Atu dinhmun ah Falam peng tlawng 90 sungah tlawngta mipum 4500 lenglo hnenah cazirh rero an si thu CNO/CNDF hotu hnen ihsin theih a si.

Chinram hrekkhat ahcun Chin Thantar (Flag) tar in tlawng an kai thok rero thlang ding.