Falam peng doawknak ah Chin ralkap pakhat in nunnak liam

Falam peng sung doawknak ah CDF Matupi ralkap pakhatin ram le miphun hrangah nunnak a liam, tiah theih a si.

May be an image of 1 person and outdoors

Chin ramkulh, Falam peng, Ramthlo le Dokthek karlak ah SAC ralhrang le Chin hriamhrei kai pawlkom pawl July 11 ah doawknak a suak ih kum 21 mi CDF Matupi ralkap Salai Alawng in nunnak a liam.

Himi doawknak ah SAC ralhrang lam thi le hlo an tam zet ti a si ih a si nan, cazin felfai zetin theih a si hrih lo.

Cu hleiah SAC ralhrang hnen ihsin ralthuam tam zet khal Chin hriamhrei kai pawlkom pawl in an laksak, tiah theih a si.

Falam khawpi tatkone ihsin SAC ralhrang cun sun ih vu ralthuam tum in mi a phom rero ih Falam khawpi cu a tlir in a tlir dupdo thei, tiah khuami pakhatin a rel.

Falam-Hakha lamzin parih SAC ralhrang rak dotu pawl cu CAN< CNDF, CDF Hakha/Thantlang/Matupi pawl an si.

SAC ralhrang rual cu June 27 ah Kalaymyo ihsin an poksuak ih Falam peng, Taal khua inn 29 le Tlangzar khua inn 6 an urkang.

Be the first to comment

Leave a Reply

Your email address will not be published.


*