Facebook ih ca a post tinten ‘ha ha’ a pek ruangah nam in a dawt that
Sagaing khawpi, Ukset veng ah December 1 zan ah Facebook ih a ca post tinten ‘ha ha’ tiih comment theutu mipa pakhat cu nam in a dawt that, tiah tualsungmi pawl in an sim.
Sagaing khawpi, Pabetan veng ah zan nazi 8 hrawngah mipa pahnih zu an intlang ih zu kam an nam hnuah an salhsuahaw thlang.
“Ziangah ha, nang hi ca ka post tinten ‘ha ha’ tiah i comment ringring, tiah a sut. Cule a rualpa cun na ca post mi pawl hnih an suak em silawm, tiah a sawm. Cuveten Ko Aung Zin cun, lehhnuah hni thei nawn lo dingin ka lo tuah ding, tiin nam in a dawt cih,” tiah zu dawr ih um pawl in an sim.
A thimi hi Ko Pyu Thar @ Ko Than Zaw Oo a si ih a nu le a nupi cawmtu a si, tiah vengsungmi pawl in an sim.
Nam ih mi dawt thattu Ko Aung Ko Zin cu Sagaing palik in a zan lala ah an kai cih ih laithat thubuai 302 an orhter, tiah theih a si.
Leave a Reply