Fa le nuh, ra tlung uhla tlawngkai niakno men uh, cathiam hi milai tahfung tling a si: Min Aung Hlaing

September 7 ah NUG in D-Day a tlangthan hnuin SAC ralhrang cun hramlak ih raldo zir PDF mino tete pawl cu a phunphun in a thlem rero.

Tu khalah ‘mi ngai, sa ngai si thei dingin fimzirnak a tul tuk, PDF mino pawl ra tlung thlang uhla tlawng ra kai uh,’ tiah Min Aung Hlaing cun a sawm hai.

Tlawngkai ih fimthiamnak kan zir tikah minung ih siar kan si ṭheu ruangah mino tete pawl cu PDF pawlkom thawn pehparaw lo dingin a sim hai.

Hi thu hi anmah SAC ralhrang thuthang ah an suahmi a si. Cuvek ṭhiamṭhiam in ramdang ih feh mino pawl khal sunghno Myanmar ram ah ra tlung dingin a ko ih lungawi soparten a hmuah thu a rel fawn.

SAC ralhrang lalpa Min Aung Hlaing hin NUG ih D-Day a tlangthan hnu thu si lolo catbang loin a rel.

Tuiṭum khalah ‘tlawngkai lawngah minung ih siartlak kan si fang ruangah ra tlung in tlawngkai uh, tiah PDF sungih lut mino tete pawl duhsak zet vekin a sawm lala.

Be the first to comment

Leave a Reply

Your email address will not be published.


*