EROs hruainak in ral kan do ding, tiah U Yee Mon in sim

Ralrel dan fumfe zet thawn hlawhtlinnak kan naih hrethro, tiah NUG Defense Minister in sim.

No description available.

December 7 ah NUG Defense Minister U Yee Mon cun PDF pawl hnenah thucahnak a nei.

NUG le tlangpar hriamhrei kai pawlkom (EROs) thawn tuantlang in Saklam, Thlanglam le Lailak tiin ralkap hmunpi 3 an din fel zo thu le ralkap hmunpi pawl ah EROs ih ralbawi pawl ret a si thu a rel.

“Ral siim dan ding ruang kan zing tikah a hmunram ih ralbawi pawl thu kan ngai ding. PDF ralkap hmunpi kan dinsuah zo ruangah mipi ralkap hin Chain of Command hnuaiah dik zetin kan cangvai ding.

Raldonak ah hmuhton nei cia zo, ralbawi pawl in in kaihhruai thlang ding ruangah ralrel dan felfai zetin hmai kan nor ding ih hlawhtlinnak kan naihniam sinsin ding,” tiah U Yee Mon cun a sim.

PDF ralkap hmunpi hi October 10 laiah rak din zomi a si ih cumi ahcun ralrelnak zung, thlingthlaknak zung, ralkap zung, ralkap bombawinak zung le mipi humhimnak zung tiin zungpi 5 a um.

May be an image of 7 people and people sitting

SAC ralhrang uknak duh loin CDM tuahtu ralkap le palik pawl khal anmah le dinhmun zoh in zung tinkim ah tuanvo pek an si, tiah U Yee Mon cun a sim.

Be the first to comment

Leave a Reply

Your email address will not be published.


*