PDF pawl ralthuam ret in ra tlung cio dingah an nu le pa ih ngennak vekin kan sawmmi a si, tiah Zaw Min Tun cun June 16 ih thuthang simfiangnak hmunah a rel.
Cuhleiah PDF pawl cu anmah rak cohlangtu tlangpar hriamhrei kai EAOs pawl hrangah phurrit a si ih an dilnak vekin ko tlung kan si, tiah a sim hrih.
SAC ralhrang cun nikum khalah PDF pawl surrender hai dingin khawlak lamzin ban parah ca an rak tar dah.
June 11, 2022 ah PDF siseh, hmin dangdang pu ih hriamhrei kaitu pawl zaten daan le dun hnuaiah tlanlut dingin sawmnak SAC ralhrang in a nei.
A thaisun lala ah PDF vekih lemcangter in mipi ziangmawzat SAC hnenih tlanluh vekin lomluhnak puai an tuah. Minung 30 lenglo surrender zo vekin thuthang ah an suah hrih.
Himi hi mipi bumnak thang men a si ih a ngaingaite cun SAC ralhrang thazang a derdai tuk zo ruangah tuvekin thuthiamawter zetin an cangvai, titu khal an um.
Kan dungte ah remdaih thurelkhawmnak sawmnak a nei ih CRPH, NUG le PDF pawl cu a sawm duh lo. Cumi hnu reilote ah PDF pawl surrender dingin a sawm leh hmunhma si.
Himi hi SAC ralhrang in rampi remdaih duh vekin lem a cannnak le 2023 ih hrilawknak tluantling a um theinak dingah lemzu a siah menmi a si.
Leave a Reply