Dubai ah Gangaw peng nute ar bang a vai

Kum 27 mi မသိင်္ဂီစိုး cu Magway ramthen, Gangaw peng, မွှေ့လယ် khawsuak a si ih innsang nuntu khawsak harsatnak ruangah Dubai ah hlawhaw dingin a feh.

May be an image of 8 people, people sitting, outdoors and tree

An khua ah ralhrang in an luhhnawh ruangah an innsang thawn fur ruahcen laiah hramlak ah thla khat sung, deuthlam suang in an relh.

A hringnun cu harsatnak sumzing lak ihsin a talsuak theinak dingah tiin meithal puak awn um lonak ramdang ah feh dingin a timtuah.

Yangon ah a feh ih an khaw nu thawn saraw in Dubai kuat theutu Agency pawl kut ah a thleng. Agent hnenah tangka tinghra a pe ih cutin 2021 December 26 ah Dubai a thleng.

Asinan, ‘farah khaw-ong tong lo’ an ti bangin Dubai a thlen tikah a feh hlanih a Agency pawl in thla hlawh a ngah ding zat le a hnatuan caan an simmi thawn a milaw thei lo.

May be an image of 1 person, skyscraper and sky

Hlawh a mal hleiah ni khat ah nazi 16 sung hna a tuan. Cu hleiah Dubai ih a rak cohlangtu cun hmun dangah a zuar sawng vivo ih leiba zariat thawn nitung a rau. မသိင်္ဂီစိုး cu an khua ngai in a lungleng ruahro.

A lunglen caan ah Dubai khawpi ih tower sang zetzet pawl thlir cuahco in a mitthli a hal. Meithal puak awn le zian khu ih tuammi si hmansehla mai’ suahsemnak, tiah a thinlung ah မွှေ့လယ် khua lawnglawng a cam.

SAC ralhrang in Myanmar rampi thuneihnak a lak hnu, ralbuainak ruangah mi tampi hnatuan thei loin an um. Curuangah ramleng ah a suak theithei an suak.

မသိင်္ဂီစိုး khal an innsang nun a semrem ding ruahsannak in Dubai ah a feh ve ih asinan, a beisei vek a rak si lo. Dubai a thlen hnu rei loah amah vekih harsa tuar Myanmar nunau tleirawl 6 thawn an saraw.

May be an image of monument, sky and twilight

An zaten hnatuan hawlsaktu an agent cun room fiak zet pakhat ah a khum hai ih puan zun khatte lawng an zawnaw theu. Thla khat a rei tikah မသိင်္ဂီစိုး cu Myanmar tangka tinghra lenglo na hlawh ding tiih an simmi vek si loin tingkua lawng hlawh in hnen-um a tuan.

A hlawh parah a lungkim thei lo ih Dubai a feh hlanih an tiam zat pe dingin a nor. Culo asile Myanmar ah ka tlungsal ding tiah a sim. Asinan hna hawlsaktu company cun Myanmar ih a tlunsal duh asile tingsawmthum le tingriat na kuan a tul, tiah an sim.

မသိင်္ဂီစိုး cun, “Hna hman tthittha in ka tuan hrih lo. Atu ah ka tlung duhsal ih tangka ka kuan bet thei lo,” tiin a el. Dubai ahhin kum khat tal hnatuan ta loin mai’ duhnak men ih tlun dualdo a theih lo.

Dubai ahcun hnatuan dingih feh pawl hi hna hawlsaktu company pakhat in hmun dangdangah an zuar sawng vivo ruangah an passport, visa le ca thupi pawl an kut sungah a um lo ih lasuak dingin tangka tampi pek vivo a tul thlang.

မသိင်္ဂီစိုး hi kum khat sungah umnak inntek 5 a thengh ih agent 3 a thlengh hrih. Dubai ihsin Burabi ah a feh ih Dubai ah kirsal a duh asile agent cun Myanmar tangka tingsawmkua in pek a tul, tiah a sim bet.

May be an image of 1 person, standing, outdoors and monument

Innsang cawm dingih Dubai feh မသိင်္ဂီစိုး cu atu ahcun a innsang pawl hnenah bom a dil thlang. A nu le pa in sumpai thla khatah fangli tthang in an cawm ih a in-ei hrang le a agent ih kolsakmi passport cabu tlennak dingah an kuat.

Ko Htoo Htet Paing timi ih bomnak in agent thawn an relrem thei ih a innsang in amah tlensuahnak ah sumpai an cawimi rulhnak dingah မသိင်္ဂီစိုး cu hna dang a hawl rero.

Khua ih a tanmi a nu le pa hi a hlanah cun be rialnak cet an nei ih an harsa tuk lo. Atu ahcun SAC ralhrang in ram pumpi ah buainak a suahter ruangah an hna khal an tuan pehzom thei nawn lo.

Dubai ih hrantang မသိင်္ဂီစိုး cu a visa a cem zik cuahco thlang. A passport cabu khal Myanmar tangka tingsawmkua in a tlen zo ko nan, a hnatuannak inntek in thubuai an tuahsak ruangah a visa renew sal dingin a remcang hrih lo.

May be an image of 1 person, phone and outdoors

A remcan veten leiba thuahthip samnak dingah thlanhri baksen tla in hna a tuan vutvo a tul. (Hi thu hi RFA ih nganmi a remcan dan in kan lehmi a si).

Be the first to comment

Leave a Reply

Your email address will not be published.


*