Dr. Sa Sa le Dr. L H Sakhong ih thusimmi CDF-Paletwa lungkim lo

Chin ramkulh thlanglam zim, Myanmar-Bangladesh-India ram thu ritawknak Paletwa cu dothlengtu pawl in zatek 100 kan uk thei asile ramdang ihsin milai zawnruah bombawinak siseh, dothlengnak hrangah ramdang ih rinsan kan hlawh thei ding, tiah Dr. Sa Sa cun NUG hnenah a sim.

Chin Rights Group Says Myanmar Military is Forcing Villagers to Serve as Laborers And Porters — Radio Free Asia

Chin ramkulh, Paletwa hi vanzam ttumnak le long cawlhnak hmun a um ruangah ramdang hruaitu pawl ih bombawinak cu Yangon ihsin harsat zetih pe rero tul loin direct in kan ngah thei ding, tiah Chin ramthukhel hotu pawl in an sim cio.

Paletwa pumhlum in kan uk thei asile ramdang pawl ih sangka kan king thei rori ding, tiah Dr. Sa Sa in uar zetin a sim hrih.

“Kan kut sungah Paletwa pumhlum kan ret thei asile ramdang sangka kan king thei thlang ding. Cui’ tikcu ahcun kan lo bawm thei lo timi a um nawn lo ding.

Ziangahtile in bomnak ding lamzin kan sial ngah zo ding ruangah a si. AA khalin an luah ram an uk neh a tul ve ke. Chin ramkulh, Paletwa uk neh dingin kan zuam ding.

Bangladesh ramri le India ramri a si vekin Save Zone ah kan sersuak ding ih ramdang pawl khalin ‘kan lo pan thei lo,’ timi an um nawn lo ding,” tiah Dr. Sa Sa cun a sim.

Myanmar IDP Killed While Fetching Rice in Chin State

Dr. Lian Hmung Sakhong khalin, “Paletwa kan uk thei asile SAC ralhrang le dothlengtu pawlkom pahnih lakah ttan ding bulba thei loih laklawh zet India le Bangladesh ram, olsamten kan rualrempi thei lohli ding.

Bangladesh hi Rohingya thu ruangah kan lamah an ttang cia ih rualrempi a harsa lo ding. India lawngte awloksong in tuni tiang a um lai.

India hin China a huphurh ruangah SAC ralhrang khal sisehla zo vek acozah khal kom hluahhlo mai dingin a duh mai. Hihi kan buainak bik a si.

India siseh, Bangladesh siseh, China khal siseh Myanmar mipi in an neh tengteng ding timi an hmuh theinak dingah Paletwa kan uk thei a si ahcun Myanmar parih an policy pawl an thlakthlengh vurvo ding, tiah ka hmu,” tiah a sim.

Hi thu hi Chin ramkulh dothlengnak CDF pawl hrangah November 28 ih fundraising an tuahnak ah Chin ramthukhel thenkhat in NUG tlangsuak hotu pawl hnenih ruahnak an pekmi a si.

Chin ramkulh Paletwa peng hi 2015 ihsin AA le SAC ralhrang doawknak sumtual a si ih atu ahcun AA in a tam sawn an luah ih Paletwa khawpi sung lawng SAC ralhrang in an luah thei fang.

2021 SAC ralhrang in Myanmar rampi thuneihnak a lak hnu lawngah CDF dothlengnak pawlkom a ding fang ih Paletwa peng sungih Sami khawpi, Matupi-Sami lamzin tluan,  ရှင်းလက်ဝ khua le Kanpetlet, Matupi, Mindat, Paletwa tiin peng 4 ritawknak Dai ram ah  သံတောင် Brigade Battalion in an luah.

A tlangpi ih khaikhawm tikah CDF hin Paletwa peng sungah hmun malte lawng an uk thei thu CDF-Paletwa ih Chairman Ko Pawluh cun a sim.

“Hmunram uk thei kan tulsam zet ko nan, CDF hi a hlanten dinmi ralkap a si lo ih mipi ih din menmi a si.

NUG in tuvekin thu a than ruangah SAC ralhrang thazang tam zet in in nor ih kan tuar nat phah zet, tiah a sim fawn.

Dr.Sasa le Dr.Lian Hmung Sakhong Cu A Biapi Taktakmi Hmun ah Rian An Khinh Hna -

“Hmunram uk thei kan duh asile thungaithlak in tuan taktak a tul. Atu tiangah ukmi kan nei hrih lo.

Ralthuam khal kan farah tuk lai. Ramthukhelhnak ah mithmai tha co duh men ruangah Chinram zatek 80% kan uk thei zo. Karenni Demoso khal kan uk thei zo tiin NUG hin a tlangthan.

Himi ruangah a ram ih ummi pawl in a let 2, a let 3 in kan tuar phah. KIA, KLNA le AA cu ralkap pitling an si zo. SAC ralhrang thawn an doawk tikah ralkap le ralkap an doaw men.

Kannih cu Chin mipi ih dinmi kan si vekin in do tikah kan zaten kan tuar. Vanzam le leipar in kah kan tuar,” tiah CDF-Paletwa hotu Ko Pawluh cun a sim.

Atu ahhin ralthuam tlasam zet CDF-Paletwa bomnak hrangah Project Kimo tiin ting thawngnga hmuhsak a si ih hi sumpai ihsin zatek 60% cu ralthuam leinak ah hman a si ding ih zatek 40% cu mipi hrangah hman a si ding.

Paletwa peng ahhin raltlan thawnghleinga an um, tiah theih a si.

No description available.

NUG Acting President Duwa Lashi La cun Myanmar rampum ah zatek 60% cu tualsung hriamhrei kai pawlkom in an uk thei zo, tiah RFA hnenah a sim.

Be the first to comment

Leave a Reply

Your email address will not be published.


*